Պրոֆեսիոնալ բռնցքամարտի կանանց թեթեւագույն քաշային կարգում WBA վարկածով աշխարհի չեմպիոն Սյուզի Կենտիկյանը պաշտպանեց տիտղոսը:
Նոյեմբերի 8-ին Գերմանիայում կայացած 10 ռաունդանոց մենամարտում Կենտիկյանը միավորներով հաղթեց ճապոնուհի Նաոկո Ֆուդզիոկային: Գերմանիան ներկայացնող 27-ամյա մարզուհին ոչ մեծ առավելություն ուներ ամբողջ մարտի ընթացքում, սակայն 39-ամյա ճապոնուհին եւս վատ տպավորություն չթողեց:
Մենամարտից հետո Սյուզի Կենտիկյանն իր թիմի հետ հաղթանակը նվիրեց Հայոց ցեղասպանության 100-րդ տարելիցին եւ զոհերի հիշատակին:
Հիշեցնենք, որ նախորդ մենամարտում Կենտիկյանը 2014-ի մայիսի 31-ին 9-րդ ռաունդում տեխնիկական նոկաուտով հաղթել էր IFBA վարկածով աշխարհի չեմպիոն Դան-Բի Քիմին:
www.sport.news.am
