Թուրքիոյ կրթութեան նախարարութիւնը որոշած է նիւթական աջակցութիւն ցուցաբերել երկրի մէջ գործող ազգային փոքրամասնութիւններու դպրոցներու լաւ սորվող աշակերտներուն: Այս մասին կը տեղեկացնէ Պոլսոյ “Ակօս”-ը:
Պետութիւնը Պոլսոյ մէջ գործող հայկական մասնաւոր դպրոցներուն պիտի յատկացնէ 2500-3500 թրքական լիրայ (1250-1750 ամերիկեան տոլար)` իւրաքանչիւր առաջադէմ աշակերտի համար:
Այսպիսով, ընդհանուր 1700 աշակերտի համար Թուրքիոյ կրթութեան նախարարութիւնը հայկական դպրոցներուն շուրջ 4.5 միլիոն թրքական լիրայ (2.3 միլիոն ամերիկեան տոլար) նիւթական աջակցութիւն կրնայ ցուցաբերել:
Դրամական աջակցութիւն ստացող դպրոցներու եւ աշակերտներու յստակ թիւը պիտի որոշուի Սեպտեմբեր 9-էն յետոյ:
