Հայաստանի Հանրապետութենէն մարդասիրական օգնութեան բեռնատարներու շարասիւնը Կիրակի, 23 Մարտի երեկոյեան ժամը 4:30-ին ժամանած է Հալէպ՝ սուրիացի ժողովուրդին մարդասիրական աջակցութեան և երկու երկիրների միջև բարեկամական յարաբերութիւնների ամրապնդման ծիրէն ներս։ Այս մասին հաղորդեց Հալէպ Նահանգի պաշտօնական հեռուստակայանը:
Հալէպի Արդիւրանաբերական ցուցահանդէսի համալիրէն ներս, Սուրիոյ մէջ ՀՀ արտակարգ եւ լիազօր դեսպան Ռուբէն Խարազեան շարասիւնի պաշտօնական յանձնումը կատարած է Հալէպի փոխնահանգապետ Ֆաուազ Հիլալին։ Պաշտօնական յանձնումի արարողութեան ներկայ եղած են նաեւ ՀՀ Հալէպի Գլխաւոր Հիւպատոս Արա Աւետիսեան եւ Հալէպի նահանգապետարանի արտաքին յարաբերութիւններու պատասխանատու Ղասսան Ֆարուհ։
Բեռնատարները պարունակած են հիմնականին մէջ հայաստանեան արտադրութեան դեղորայք եւ սննդամթերք: «Հայաստանից Սիրիային» խորագրուած սոյն օժանդակութիւնը պիտի բաշխուի կարիքաւորներուն Հալէպի եւ Դամասկոսի մէջ։
