Բժիշկ ԿԱՐՊԻՍ ՀԱՐՊՈՅԵԱՆ
Բժիշկ Գէորգ Կէրկէրեան ծնած է Կիւրին, 1907-ի մայիսին: Անոր ծնողները եղած են՝ Յարութիւն Ն. Կէրկէրեան եւ Թերէզ Թերճանեան, որոնց ընտանիքները մեծ եւ լաւ անուն ունեցած են Կիւրինի ազգային, ընկերային եւ առեւտրական կեանքին մէջ: Գէորգ իր ծնողներուն 14 զաւակներէն միակ վերապրողը եղած է: Իբրեւ որբ վայելած է հօրեղբորորդի՝ Նազարէթ Ս. Կէրկէրեանի հայրական գուրգուրանքն ու հոգածութիւնը եւ ըստ այնմ ան կարողացած է հետեւիլ երկրորդական եւ համալսարանական ուսումի:
Ան նախնական ուսումը ստացած է Պէյրութի Ուզունեան Ազգային նախակրթարանը եւ Ատանայի Յիսուսեանց Սէն Բոլ գոլէճը: Կիլիկիոյ պարպումին կը վերադառնայ Պէյրութ եւ կը յաճախէ Ֆրէրներու Սաքրը Քէօր գոլէճը: Եղած է քոլէճին յաջողակ ուսանողներէն մէկը: Գոլէճին վեց տարուայ դասընթացքը վերջացուցած է 4 տարուայ ընթացքին եւ յաջողած է ֆրանսական բժշկական դպրոցի մուտքի քննութեան:
Ուսանողական փայլուն արդիւնքներ կ’ունենայ եւ կ’արժանանայ քանի մը պատուոյ մրցանիշներու: Յաջորդաբար համապատասխան քննութիւններէ ետք կ’անուանուի Հօթէլ Տիէօ հիւանդանոցի Extern, Interne, եւ Chef de clinique պատասխանատու պաշտօններուն: Կը մասնագիտանայ քիթ-կոկորդ-ականչ-աչք հիւանդութիւններու վիրաբուժութեան մէջ ապա կ’ընդունուի Սաքրը Քէօր հիւանդանոցը իբրեւ օգնական մասնագէտ բժիշկ եւ կը վայելէ փրոֆ. De Peyrelongue du Negrier հռչակաւոր մասնագէտներու հոգածութիւնը: 1941-ին կը ստանձնէ նոյն հիւանդանոցին մասնագէտ բժշկապետի պատասխանատու պաշտօնը, որ հմտօրէն կը վարէ երկար տարիներ:
1947-1948 բժիշկ Գէորգ Կէրկէրեան կը մեկնի Փարիզ եւ վեց ամիսներու մէջ կը կատարելագործէ իր մասնագիտութիւնը:
Բժիշկ Գէորգ Կէրկէրեան եղած է իր մասնագիտութեան ճիւղի ֆրանսական եւ միջազգային գիտական միութիւններու անդամ: Մասնակցած է գիտական միջազգային համագումարներու: Առ ի գնահատանք իր բեղուն գործունէութեան որպէս օտար բացառաբար կ’արժանանայ O.R.L. Գիտական Միութեան Պատուոյ Անդամի տիտղո-սին, որ իր տեսակին առաջինը եղած է ամբողջ Միջին Արեւելքի մէջ:
Ան արժանացած է Լիբանանեան կառավարութեան Chevaller du Merite des Cedres-ի շքանշանին, երկար տարիներ Լիբանանի առողջապահական զարգացումին իր մատու-ցած ծառայութիւններուն համար: Ունեցած է զգալի ազգային գործունէութիւն, եղած է ատենապետ Հայ Կաթողիկէ Երիտասարդաց Միութեան եւ անդամ:
Բժիշկ Գէորգ Կէրկէրեան անդամ եղած է Լիբանանի Բժշկական Միութեան, հիմ-նադրութեան օրէն ի վեր: Սատարած է Միութեան վերելքին՝ գիտական, տնտեսական եւ սահմանադրական մարզերուն մէջ: Վարած է Միութեան ատենապետութիւնը երկար տարիներ: Ան իրականացուցած է Միութեան ճանաչումին լիբանանեան պե-տութեան կողմէ: Իր երազը եղած է իրականացնել Հայկական հիւանդանոցի մը հաստատութեան Պէյրութի մէջ:
Ան ամուսնացած է 1934-ին օրիորդ Արաքսիին հետ: Անոնք բախտաւորուած են երեք զաւակներով՝ Մարի-Թերէզ, Յարութիւն եւ Ժիրայր:
Բժիշկ Գէորգ Կէրկէրեան մահացած է Լիբանանի քաղաքացիական պատերազմի ընթացքին: Ան եւ կողակիցը՝ տիկին Արաքսին ոճիրի մը զոհ գացած են Լիբանանի քաղաքացիական պատերազմի ընթացքին:
