Հինգշաբթի, 29 Դեկտեմբեր 2022, երեկոյեան- ժամը 7.30-ին, Լիբանանի պասքեթպոլի տղոց Ա. դասակարգի ախոյեանութեան երթի փուլի վերջին օրուան մրցումներուն, ՀԵԸ Անդրանիկ Պէյրութ՝ 104-101 արդիւնքով պարտութեան մատնեց ՀՄԸՄ Պէյրութը: Մրցումը տեղի ունեցաւ ՀԲԸՄ-ՀԵԸ-ի «Անդրանիկ» մարզադաշտին մէջ եւ ընթացաւ ՀԵԸ Անդրանիկ Պէյրութի առաւելութեամբ:
Ա. դասակարգի ախոյեանութեան կը մասնակցին 12 խումբեր: Երթի տասնմէկ մրցումներէն ետք, ՀԵԸ Անդրանիկ Պէյրութ կը գրաւէ ընդհանուր դասաւորման եօթներորդ դիրքը:
Դարձի մրցումներուն նախօրէին, նորանոր յաջողութիւններ կը մաղթենք ՀԵԸ Անդրանիկ Պէյրութի մարզիկներուն, մարզչական կազմին եւ պատասխանատուներուն:
