Չորեքշաբթի, 05. 10. 2022

ՀԲԸՄ-ՀԵԸ Անդրանիկ  Պէյրութ  Կը  Մնայ Լիբանանի  Փինկ Փոնկի  Հսկան

12-24 Յուլիս  2022-ին, Մոն լա Սալի   մէջ  կայացան  Լիբանանի  փինկ փոնկի  Ա. դասակարգի   եօթը  տարբեր  խաղաձեւերու ախոյեանութեան մրցումները:

 Լիբանանի  փինկ փոնկի  ֆետերասիոնին   կազմակերպութեամբ տեղի ունեցող մրցումները  փայլուն  յաղթանակներ  ապահովեցին ՀԵԸ Անդրանիկ  Պէյրութի կազմին:  Արդարեւ, ՀԵԸ Անդրանիկ  Պէյրութ  հասաւ  բոլոր՝  եօթ  մարզաձեւերուն աւարտականին, եւ տիրացաւ աղջկանց՝ խմբային,  աղջկանց՝ անհատական,  տղոց՝ զոյգերու, աղջկանց՝ զոյգերու եւ  խառն զոյգերու ախոյեանութեան տիտղոսներուն:  Ընդհանուր՝ հինգ տիտղոս:  Տղոց՝ խմբային եւ  տղոց անհատական մրցումներուն  գրաւեց երկրորդ  դիրքը:

 Ախոյեանութեան մասնակցեցան  12 խումբեր:

 Կ’արժէ   նշել, որ  ՀԵԸ Անդրանիկ Պէյրութ  գրաւեց  աղջկանց  ախոյեանութեան գլխաւոր երեք դիրքերը:

 Ախոյեանութեան  մրցումներուն  ընթացքին,  ՀԵԸ  Անդրանիկ Պէյրութի   Մարիանա Սահակեան,  Լեթիսիա եւ Տալի Ազար  քոյրեր  աղջկանց եռեակը մնաց անգերազանցելի:

ՀԵԸ  Անդրանիկ Պէյրութի այս գնահատելի արդիւնքները   մեծապէս կը պարտի գլխաւոր մարզիչ  Մելիք Թաուիլին,  մարզչական կազմի  ընդհանուր պատասխանատու   եւ փինկ փոնկի   ֆետերասիոնի անդամ Սահակ Պիտինեանին եւ  բոլոր  մարզիկներուն:

 Կրկին անգամ կը շնորհաւորենք  ՀԵԸ Անդրանիկ  Պէյրութ փինկ փոնկի կազմը, անոր  պատասխանատուները, մաղթելով նորանոր  յաջողութիւններ:

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին