Հինգշաբթի, 28. 03. 2024

spot_img

ՀԲԸՄ- ՀԵԸ Անդրանիկ Պէյրութի Աղջիկները  Լիբանանի  Փինկ Փոնկի Ախոյեան

 Հինգշաբթի, 14 Յուլիս  2022-ին, Լիբանանի  փինկ փոնկի ֆետերասիոնին  կազմակերպութեամբ, Մոն Լա Սալի մէջ, Այն Սաատէ,  սկսաւ  Լիբանանի   փինկ փոնկի  աղջկանց    Ա. դասակարգի խմբային ախոյեանութիւնը:

 Ախոյեանութեան  մասնակցեցան   երկու խմբակներու բաժնուած տասը խումբեր: Իւրաքանչիւր խմբակ՝ հինգ խումբ:  ՀԵԸ  Անդրանիկ  Պէյրութ պարտութեան մատնեց  մրցակից չորս խումբերը՝  Մըրժաայուն Պլաթ՝ 3-0, Ահլի Խիամ՝ 3-0, Շարիթէ   Տար էլ Նուր 3-0,  Լիուա Սայտա՝  3-0 եւ անցաւ  կիսաւարտական  փուլ, ուր   ՀՄԸՄ  Պէյրութին ՝ 3-0 արդիւնքով յաղթելէ ետք հասան աւարտականին:

Աւարտական մրցումին, ՀԵԸ Անդրանիկ Պէյրութի աղջիկները՝ 3-1 արդիւնքով պարտութեան մատնեցին Ահլի Սայտան  եւ յաջորդաբար  երկրորդ տարին ըլլալով  արժանաւորապէս տիրացան  խմբային ախոյեանութեան տիտղոսին:

 Մեր սրտագին  շնորհաւորութիւնները  ՀԵԸ Անդրանիկ Պէյրութի մարզուհիներ՝  Մարիանա Սահակեանին,  Լեթիսա Ազարին,  Թալիա Ազարին,  Լիբանանի ֆետերասիոնի մէջ  ՀԵԸ-ի  ներկայացուցիչ, գլխաւոր  մարզիչ   Սահակ Պիտինեանին այս հպարտալի յաղթանակներուն առիթով:

 Մրցանակաբաշխութիւն

Շաբաթ,  16  Յուլիս  2022-ի երեկոյեան,  Մոն Լա Սալի մէջ, Այն Սաատէ,  տեղի ունեցաւ ախոյեանութեան մրցանակաբաշխութիւնը:  Հանդիսաւոր արարողութեան ներկայ գտնուեցան  Լիբանանի  փինկ փոնկի  ֆետերասիոնի նախագահ  Ժորժ Քուփալի,  Ֆետերասիոնի անդամ՝ Նեժի Հալալ, ՀԵԸ-ի Կեդրոնական Վարչութեան ատենապետ Վիգէն Չերչեան եւ ակումբներու ներկայացուցիչներ:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին