Ուրբաթ, 12. 08. 2022

ՀԲԸՄ- ՀԵԸ-ի  Նախաձեռնութեամբ  Հանդիպում  Ճարտարագէտ  Ալեք  Մելքոնեանի Հետ

Լիբանանահայ Կեանք

ՀԲԸՄ-ՀԵԸ-ի կազմակերպութեամբ,  Հինգշաբթի, 30 Յունիս 2022, երեկոյեան  ժամը 7.30-ին հանդիպում մը  տեղի ունեցաւ  ՀԵԸ-ի սկաուտական  շարժումին մէջ  ծառայած, Հարաւային Գալիֆորնիայի ճարտարագիտութեան հաստատութենէն  վկայեալ Ալեք Մելքոնեանին հետ,  ՀԲԸՄ-ի «Տեմիրճեան» կեդրոնին մէջ:

 Հանդիպումին ներկայ  գտնուեցան ՀԲԸՄ-ի Լիբանանի  Շրջանակային վարչութեան ատենադպիր   Սիլվա   Լիպարիտեան, ՀԵԸ-ի  կեդրոնական վարչութեան ատենապետ   Վիգէն Չերչեան,  Կեդրոնական վարչութեան անդամ՝  Յակոբ Ճըղլեան, Գէորգ Սանթուրեան,  հիւրեր, Նար  Խաչատուրեան,  Հրայր Խաչատուրեան,  Սարգիս Ազատեան,  Վահան Գասարճեան, Վաչէ   Մելքոնեան, ՀԲԸՄ-ՀԵԸ-ի երիտասարդական,  համալսարանական, սկաուտական  շարժումներու  ներկայացուցիչներ:

Շահեկան այս  միջոցառումին   բացումը կատարեց Յակոբ Ճըղլեանը եւ բացատրեց  հանդիպումներուն նպատակը:

ՀԲԸՄ- ՀԵԸ-ի   երիտասարդական կեդրոնին նախաձեռնութեամբ   հանդիպումներու այս  շարքը, երիտասարդ շրջանաւարտները կը  քաջալերէ  Միութեան յարկին տակ  նախաձեռնութիւններ   վերցնելու, կարողութիւններ  դրսեւորելու, ծանօթութիւններ հաստատելու եւ  համախմբուելու: 

Ալեք  Մելքոնեան, իբրեւ  առաջին ուսուցիչը եւ խորհրդատուն ՀԲԸՄ-ի   նորագոյն  ծրագիրներէն՝  Innovation Studios-ի, (սոյն կառոյցը կը փորձէ կամուրջներ  հաստատել միջազգային գիտութեան,  արհեստագիտութեան,  ճարտարագիտութեան, ուսողութեան եւ հայ մշակոյթի միջեւ),  ներկաները խանդավառեց  համապարփակ տեղեկութիւններ  հաղորդելով անցեալի եւ ապագայի  իր  ծրագիրներուն մասին:

Այս առիթով, ան  երախտագիտութիւն յայտնեց  ՀԲԸՄ-ՀԵԸ-ի սկաուտական շարքերէն  ձեռք բերած  փորձառութիւններուն համար, ապա պատասխանեց   ուղղուած  հարցումներուն:

 Հետաքրքրական  հանդիպումի աւարտին  տեղի ունեցաւ  հիւրասիրութիւն:

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

2,098ՀաւանողներՀաւանում
24,568հետեւողներհետեւել
75,412ԲաժանորդներԲաժանորդագրուել
spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին