«Ազատագրական շարժում»-ի վերջերս նախաձեռնած՝ է ՀՀ վարչապետ Նիկոլ Փաշինեանի հրաժարականի պահանջով ստորագրահաւաքը կը շարունակուի։
Երեւանի Կեդրոնի Հիւսիսային պողոտային վրայ կայացող ստորագրահաւաքը, ըստ Շարժման ներկայացուցիչներու, լաւ կ՛ընթանայ, անցորդները առանց վախի եւ կաշկանդուածութեան կը ստորագրէ: Անոնց կարծիքով՝ Նիկոլ Փաշինեանի հրաժարականի պարագային է, որ միայն Հայաստանը կրնայ այս ծանր եւ ստորնացուցիչ վիճակէն դուրս գալ։
Ըստ պատասխանատուներուն բացայայտած տուեալներուն, ստորագրահաւաքին 4-րդ օրը ստորագրողներուն թիւը արդէն հատած է 5000-ը: Նախաձեռնող Շարժումը նպատակադրած է շուտով անցնիլ նաեւ Հայաստանի այլ մարզեր եւ նաեւ Արցախ, մինչ առցանց ստորագրահաւաքը մեծ թափով ու արդիւնքով կը շարունակուի: