Ոչ Եւս Է Տիկին Մարի Քէօշկէրեան
Սրտի խոր կսկիծով իմացանք տիկին Մարի Քէօշկէրեանի շիջումը Երկուշաբթի, 14 Փետրուար 2022֊ին Պէյրութ, Լիբանանի մէջ։
Ողբացեալ տիկին Մարի Քէօշկէրեանը, եղած էր վեց զաւակներու նուիրեալ մայր։ Անհուն սիրով ու հոգատարութեամբ զոհուած էր իր ընտանիքին։ Ինչպէս նաեւ, ջերմօրէն կը կատարէր միութենական ծառայութիւններ եւ աշխատանքներ։
Ան մաս կազմած էր ՀԲԸՄի Տիկնանց Սին էլ Ֆիլ մասնաճիւղի վարչութեան՝ 1980֊1990 տարիներուն։
Սիրով կը կատարէր իրեն տրուած պարտականութիւնները։
Ապրեցաւ միշտ շրջապատուած իր զաւակներով եւ թոռներով։
Աստուած հոգին լուսաւորէ և արժանի ընէ երկինքի արքայութեան։
Խունկ և աղօթք իր յիշատակին։