Վարչապետ Ռաֆիք Հարիրիի նահատակութեան 17-րդ տարելիցին առիթով, Երկուշաբթի 14 Փետրուար 2022-ի կէսօրին, ընկերներ՝ Տոքթ. Յակոբ Փափազեան եւ Արա Թերզեան ՌԱԿ Լիբանանի Շրջանային Վարչութեան անունով ծաղկեպսակ խոնարհեցուցին նահատակ վարչապետին շիրիմին, յարգանքի տուրք մատուցելով քաղաքական անարք ոճիրի զոհ գացած մեծ մարդուն:
Հաւասարակշիռ ուղեգիծի եւ պետական մարդու տեսիլքին բացակայութիւնն է, որ այսօր կ՛ապրի Լիբանան, մինչ նահատակ վարչապետին բացակայութիւնը այս պահուն աւելի քան զգալի է:
Յարգանք իր անթառամ յիշատակին:
