Անակնկալ եւ յատկանշական քայլով մը ՄԱԿ-ի ընդհանուր քարտուղար՝ Անթոնիօ Կոթերէշ Պէյրութ այցելեց:
Ընդհ. Քարտուղարը իր չորսօրեայ այցելութեամբ հանդիպումներ կ՛ունենայ Լիբանանցի բարձրաստիճան պատասխանատուներու հետ, փորձելով կեանք տալ Լիբանանի համար նախատեսուած Ֆրանս-Սէուտական նախաձեռնութեան։
Իրողապէս սոյն այցը կարեւոր կարելի է նկատել եթէ Լիբանան գիտնայ օգտուիլ առիթէն:
Լիբանանի տուած այցելութեան ծիրէն ներս ՄԱԿ-ի Ընդհանուր Քարտուղար Անթոնիօ Կութէրէշ երէկ հանդիպած է Լիբանանի կրօնական համայնքապետերուն։
Հանդիպման ներկայ եղած է նաեւ Մեծի Տանն Կիլիկիոյ Կաթողիկոս Գ.Ս.Օ.Տ.Տ. Արամ Ա. Կաթողիկոսը։
Ցարդ այցելութեան խորքային նպատակներուն մասին տեղեկութիւններ չեն հաղորդուիր, սակայն յստակ է, որ ՄԱԿ-ի կողմէ այս զօրակցական փորձը ունի որոշակի պատգամներ ուղղուած ոչ միայն Լիբանանի քաղաքական վերնախաւին, այլ Լիբանանեան թղթածրարին հետ կապ ունեցող շրջանային եւ միջազգային խաղացողներուն։
