Արաբական Ծոցի Համագործութեան Խորհուրդի ժողովը հաստատեց Լիբանանը շրջանային խնդիրներէ հեռու պահելու կարեւորութիւնը եւ կարեւորեց զէնքի սահմանափակումը օրինական զինեալ ուժերու ձեռին, ինչպէս նաեւ շեշտեց անոր սահմաններու ապահովութեան վրայ:
Ծոցի երկիրներու այս յայտարարութեան շուտով կրնան միանալ Եգիպտոսն ու Արաբական լիկան ընդհանրապէս, միշտ հիմնուելով Ժատտայի հռչակագրին վրայ:
Գնդակը այժմ կը գտնուի Լիբանանի ղեկավարութեան դաշտին մէջ ու հարցական կը մնայ անոր կարողութիւնը գործադրելու յանձնառութիւններ:
Մինչ այդ Սէուատական Արաբիոյ գահաժառանգն ու Ֆրանսայի Նախագահ Էմանուէլ Մաքրոնի հանդիպման ընթացքին յայտնի դարձաւ, որ անոնք համակարծիք են Լիբանանի վերաբերող բոլոր օրակարգերուն պարագային, փրկելու համար վերջնական անկումի սեմին գտնուող Լիբանանը:
