Լիբանանի Արտագին Գործոց նախարար Ապտալլա Պուհապիպի Մոսկուայ այցելութեան ընթացքին խնդրեց Ռուս պատասխանատուներ միջամտել Լիբանանի համար Արաբական Ծոցի երկիրներուն մօտ, յատկապէս Սէուտական Արաբիոյ:
Ռուսական կողմը անմիջապէս արձագանգեց արագ կապեր հաստատելով արաբական աշխարհի իր գործընկերներուն հետ համոզելու անոնց չլքել Լիբանանը, յատկապէս Նաժիպ Միքաթիի կառավարութեան արձանագրած ձախողութիւններէն ետք, որ ամէն օր աւելի եւս կը կքի յատկապէս լիբանանեան թղթոսկիի արժեզրկումով, որ կը սպառնայ բոլոր հաստատութիւններուն: