Երկուշաբթի, 27. 06. 2022

Հայ Կաթողիկէ Եպիսկոպոսները Հրաւիրուած Են Հռոմ` Տանն Կիլիկիոյ Կաթողիկէ Հայոց Պատրիարք Ընտրելու

Միջին Արեւելքի տարբեր քաղաքներու եւ աշխարհի տարբեր երկիրներու թեմերուն մէջ ծառայութիւն իրականացնող Հայ կաթողիկէ եկեղեցւոյ եպիսկոպոսները 20 Սեպտեմբեր 2021-էն սկսեալ հրաւիրուած են Հռոմ` Հայ կաթողիկէ եկեղեցւոյ պատրիարք ընտրելու համար, որ պիտի փոխարինէ 25 Մայիսին վախճանած Գրիգոր Պետրոս Ի. պատրիարքը: vaticannews-ի հաղորդումով, այս մասին յայտնած է Հալէպի հայ կաթողիկներու առաջնորդ եւ Տանն Կիլիկիոյ հայոց պատրիարքութեան թափուր աթոռի կառավարիչ Պետրոս արք. Միրիաթեան:

Նշուած է, որ 22 Յունիսին կարելի չէ եղած պատրիարք ընտրել, քանի որ թեկնածուներէն որեւէ մէկը չէ կրցած հաւաքել ձայներու երկու երրորդը, ինչպէս նախատեսուած է Արեւելեան եկեղեցիներու եկեղեցական կանոնադրութեան մէջ:

Պետրոս արք. Միրիաթեան յայտնած է, որ հայ կաթողիկէ եպիսկոպոսները պէտք է 20 Սեպտեմբերէն սկսեալ հաւաքուին Հռոմի Լեւոնեան քահանայապետական վարժարանին մէջ, ուր 22 Սեպտեմբերին պէտք է սկսին ընտրութեան նիստերը, որոնց պիտի նախագահէ Արեւելեան եկեղեցիներու ժողովներու կառավարիչ, կարտինալ Լէոնարտօ Սանտրի:

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

2,098ՀաւանողներՀաւանում
24,568հետեւողներհետեւել
75,412ԲաժանորդներԲաժանորդագրուել
spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին