Իտալիայի էկոնոմիկայի և ֆինանսների նախարար Ռոբերտո Գուալտերին հայտարարել է, որ կորոնավիրուսի պատճառով ընթացիկ տարում ՀՆԱ-ի 6 տոկոսի չափով անկման կանխատեումը իրատեսական է: «Արմենպրես»–ի հաղորդմամբ, այս մասին տեղեկացնում է «ВЕСТИ»-ն՝ հղում կատարելով «Reuters»-ին:
Իտալայի արդյունաբերողների ասոցիացիան հայտարարել էր, որ կորոնավիրուսի պատճառով լուրջ անկում է կանխատեսվում:
«Ցավոք, այդ գնահատականներն իրատեսական են…միևնույն ժամանակ, մենք կարող ենք ասել, որ տնտեսությունը կարող է ձգտել աշխույժ վերականգնման»,-ասել է Գուալտերին:
Մարտին Իտալիայի կառավարությունը որոշում էր կայացրել հատկացնել 25 մլրդ եվրո տնտեսությանն աջակցելու համար: Վարչապետը տեղեկացրել է, որ աջակցության նոր փաթեթ է մշակվում:
Իտալիան կորոնավիրուսով վարակվածների թվով աշխարհում երկրորդ տեղում է: Այստեղ վարակակիրների թիվը 105 հազար 792 է: Իտալիան առաջին տեղն է զբաղեցնում մահացածների թվով: Կորոնավիրուսից մահացել է 12 հազար 428 մարդ: Ապաքինվածների թիվը կազմում է 15 հազար 729:
