Վարուժան Հայկ Գոճեան (անգլերէն՝ Varujan Kojian, 12 Մարտ 1935, Պէյրութ – 4 Մարտ 1993, Սանթա Պարպարա), հայ ջութակահար եւ խմբավար։
Դաշնակահար Ժագ Գոճեանի եւ ջութակահար Միհրան Գոճեանին եղբայրը։
Վարուժան Գոճեան ծնած է 1935 թուականին, Պէյրութի մէջ։ Աւարտած է Փարիզի երաժշտանոցը, ապա՝ Ֆիլատելֆիոյ երաժշտական դպրոցը։ 1956 թուականին Լոս Անճելըսի Ֆիլհարմոնիքի մէջ եղած է խմբավար։ 1968 թուականին Լոս Անճելըսի մէջ հիմնադրած է Հայ սիմֆոնիք երաժշտութեան ընկերութիւնը, որուն երաժշտական ղեկավարը եղած է։ Որպէս ջութակահար՝ հանդէս եկած է Միացեալ նահանգներու, Եւրոպա-ի , Միջին Արեւելքի մէջ։ Ղեկավարած է Չիքակոյի, Նիւ Եորքի, Ֆիլատելֆիոյ սիմֆոնիք նուագախումբերը։ 1973-1980 թուականներուն եղած է Սթոքհոլմի սիմֆոնիք նուագախումբի գլխաւոր ղեկավարը, նոյն ժամանակ՝ Սիէթլի սիմֆոնիք նուագախումբի ղեկավար, 1981-1984 թուականներուն՝ Եութայի սիմֆոնիք նուագախումբի ղեկավար, 1985 թուականէն՝ Սանթա Պարպարայի սիմֆոնիք նուագախումբի անդամ, ետքը՝ ղեկավար:
