«Իրատես» թերթը գրում է. «Արտախորհրդարանական որոշ ուժեր այս օրերին ակտիվ քննարկումների մեջ են, հնարավոր համագործակցության ձեւաչափերն են հստակեցնում: Ներքուստ «եփվում» են գործընթացները, սակայն վճռական քայլեր դեռ չկան:
Թերթի տեղեկություններով, առաջիկայում կհայտարարվի նոր քաղաքական ֆորմատի ձեւավորման մասին, որտեղ կլինեն եւ «հին» նախկիններ, եւ «նոր» հներ: Եթե արտախորհրդարանական ուժերը դեռեւս հաշվարկներ են անում, թե երբ խաղի մեջ մտնեն ու ինչ արսենալ օգտագործեն, խորհրդարանական ընդդիմությունը բավական ուշագրավ մոտեցում է ցուցաբերում:
Որոշ տեղեկություններով, եւ ԲՀԿ-ի, եւ ԼՀԿ-ի հետ բանակցություններ են ընթանում հնարավոր համագործակցության մասին, սակայն վերջիններս չեն շտապում բացահայտ պատերազմ հայտարարել Նիկոլ Փաշինյանին` չբացառելով հանդերձ, որ հնարավոր բեւեռի ստեղծման դեպքում կաջակցեն դրան:
Այս պահին տարբեր բանագնացներ են աշխատում եւ արտախորհրդարանական, եւ խորհրդարանական ընդդիմության հետ, որպեսզի հնարավորինս մեծ համախումբ ասպարեզ իջնի»:
Առավել մանրամասն՝ թերթի այսօրվա համարում
