Մկրտիչ Աբգար(եան) (4 Յունուար 1884, Նոր Ջուղա — 1967, Թեհրան), Խաչիկ վրդ. Առաջնորդ Իրանի Կաթողիկէ Հայոց:
Ծնած 1884 4 Յունուարին՝ Նոր Ջուղայի մէջ: Նախնական կրթութիւնը կը ստանայ Թեհրանի Ֆրանսական դպրոցը, իսկ բարձրագոյնը՝ Հռոմ Probaganda-ի համալսարանը: 1907 Նոյեմբեր 3-ին կաթողիկէ Հայոց եկեղեցիին մէջ քահանայ կը ձեռնադրուի: 1908ին ուսումը կ’աւարտէ փիլիսոփայութեան եւ աստուածաբանութեան
դոկտորի աստիճանով:
1934-ին երբ Հայ Կաթ. Պատրիարքութեան եւ Հռոմի բանակցութեան հետեւանքով Իրանի Կաթողիկէ Հայոց Թեմի վերականգնումը վերջական փուլին կը հասնի, Գեր. Աբգար Նոր Ջուղա կու գայ իբրեւ Հայ Կաթողիկէ թեմի առաջնորդ, ուր նախ նոր եւ հաստատուն հիմերու վրայ կը գնէ տեղւոյն կաթողիկէ Հայոց առաքելութիւնը: Այդ ատենէն Իրանի Կաթողիկէ Հայերը եկեղեցական անկախ եւ ինքնուրոյն վիճակ կը ստանան եւ Հայ կաթ. պատրիարքութեան հովանաւորութեան ներքոյ կը մտնեն:
