Լիբանանի ընկերային Հարցերու Նախարար Տոքթ. Ռիշար Գույումճեան տօներու նախօրէին այցելութիւն մը տուաւ Լիբանանահայ ընկերային ծառայողներու միութեան «Զուարթնոց» կեդրոն:
Ան կեդրոնի զանազան բաժանմունքները շրջեցաւ ընկերակցութեամբ կեդրոնի տնօրէնուհի՝ Վարդի Օհանեան-Գէորգեանի:
Իր այցելութեան ընթացքին յարգելի նախարարը մօտէն ծանօթացաւ հոն տարուող աշխատանքներուն եւ խրախուսեց աշակերտներն ու ծնողները, որ նման կեդրոններ պիտի շարունակեն մնալ նախարարութեան հոգատարութեան տակ:
Իր խօսքին մէջ ան շեշտեց, որ «Զուարթնոց» կեդրոնի անդամներուն իրաւունքն է հոգատարութիւն ստանալ ու արժանապատիւ կեանք մը ունենալ:
