Քվենտին Տարանտինոն (Մեկ անգամ Հոլիվուդում), Մարտին Սկորսեզեն (Իռլանդացին) և հարավկորեացի ռեժիսոր Պոն Չժուն Հոն (Մակաբույծները) լավագույն ռեժիսոր անվանակարգում նոմինացված են «Ոսկե գլոբուս» ամենամյա մրցանակաբաշխությանը:
Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ին, այդ անվանակարգում նոմինացված են նաև բրիտանացի Սեմ Մենդեսը «1917» ֆիլմի և ամերիկացի ռեժիսոր Թոդ Ֆիլիպսը՝ «Ջոկեր» ֆիլմի համար:
«Ոսկե գլոբուս» մրցանակն ամեն տարի հանձնում է Հոլիվուդում հավատարմագրված օտարերկրյա ժուռնալիստների ասոցիացիան: Հերթական 77-րդ արարողությունը տեղի կունենա Լոս Անջելեսում հունվարի 5-ին:
