Սօս Իսահակի Ալիխանեան (նոյեմբերի 26, 1906, Պաքու, Ռուսական կայսրութիւն – Յունուարի 26, 1985, Մոսկուա, ԽՍՀՄ), կենսաբանական գիտութիւններու դոկտոր, գիտութեան եւ արհեստագիտութեան վաստակաւոր գործիչ։ Դերասան Իսահակ Ալիխանեանի որդին։
1930ին աւարտած է Մոսկուայի Գ. Բլեխանովի անուան ժողովրդական տնտեսութեան հիմնարկը։ 1958-1968 ղեկավարած է Ի. Վ. Գուրչադովի անուան աթոմային ուժի հիմնարկի ճառագայթակենսաբանական բաժնի տարրալուծարանը։
1968-1975 եղած է Մոսկուայի արդիւնաբերական ԳՀԻ տնօրէն, այնուհետեւ՝ դասավանդած է Մոսկուայի պետական համալսարանի կենեդիկայի ամբիոնին մէջ։ Ալիխանեանի նախաձեռնութեամբ հիմնուած է Կենեդիկայի պետական գիտահետազոտական հիմնարկը։
Ալիխանեանը մեծ ներդրում ունի ՀԽՍՀ-ի մէջ մանրէակենսաբանական արդիւնաբերութեան զարգացման գործին մէջ։
