Ակիմ Թամիրով (անգլ.՝ Akim Tamiroff, հայկական անունը՝ Թամիրեանց Յովակիմ, հոկտեմբերի 29, 1899, Թիֆլիս, Ռուսական կայսրութիւն (ըստ որոշ տուեալներու ծնած է Պաքում) – սեպտեմբերի 17, 1972, Փալմ Սփրինկս, Գալիֆորնիա, ԱՄՆ), թատրոնի եւ ֆիլմաշխարհի ազգութեամբ հայ ամերիկացի դերասան։
Աքիմ Թամիրովը ծնած է 1899ի հոկտեմբեր 29ին Թիֆլիս, Պաքուի նաւթարդիւնաբերող Միքայէլ Թամիրովի եւ Մաշա Ամիրեանի որդին է։ Դերասանական կրթութիւնը ստացած է Մոսկուայի Գեղարուեստական Թատերական դպրոցին մէջ։
1922-1924 նոյն թատրոնի կազմով հիւրախաղերով շրջագայած է Եւրոպական երկիրներ։ 1923ին կը տեղափոխուիէ Ֆրանսա ՝ Փարիզ, ապա 1924ին կը հաստատուի ԱՄՆ՝ Նիւ Եորք եւ մինչեւ 1928 հանդէս եկած է տարբեր թատրոններու մէջ։ 1929ին հրաւիրուած է Հոլիուտ, շարունակած է իր դերասանական ասպարէզը Հոլիուտի մէջ։ Սկիզբը որպէս թատրոնի դերասան կը խաղայ Մ. Պալիեւի «Չղջիկ» խումբին մէջ (Le Chauve-Souris), ապա Նիւ Եորքի «կիլտ» թատրոնին մէջ։ Ձգելով թատրոնը կը հիմնէ բեմական կրիմի սեփական ակադեմիան, սակայն ԱՄՆ Մեծ Ճգնաժամի տարիներուն կը սնանկանայ եւ կորսնցնէ ակադեմիան:
Ֆիլմի մէջ ա ռաջին դերը կը խաղայ 1932ին, 33 տարեկան հասակին «Օ’Քեյ Ամերիկայ» ֆիլմին մէջ։ Խաղալով Ռուբէն Մամուլեանի «Թագուհի Քրիստինա» ֆիլմին մէջ ճանաչում ձեռք կը բերէ:
1950-1960 Թամիրով կը մեկնի Եւրոպա եւ կը նկարահանուի տարբեր երկիրներու մէջ:
Ասպարէզային կեանքի աւարտին ԱՄՆ մէջ Թամիրովին յաճախ կը հրաւիրեն հեռուստատեսութիւն որպէս հիւր տարբեր շոյերու։
