Արցախի Հանրապետութեան Նախագահ Բակօ Սահակեան 27 Սեպտեմբեր 2019ին այցելած է Հադրութի շրջան:
ԱՀ նախագահի աշխատակազմի տեղեկատուութեան գլխաւոր վարչութենէն կը յայտնեն, որ Հադրութ քաղաքին մէջ նախագահ Սահակեանը մասնակցած է շրջանային բուժմիաւորման ծննդաբերական բաժանմունքի բացման արարողութեանը:
Բակօ Սահակեան ընդգծած է, որ առողջապահական հիմնարկներու ցանցի արդիականացումը եւ ընդլայնումը շրջաններուն մէջ ունի ռազմավարական նշանակութիւն, եւ աշխատանքները այս ուղղութեամբ պիտի ունենան շարունակական բնոյթ: Երկրի ղեկավարը շնորհակալութիւն յայտնած է Հայ Առաքելական Եկեղեցուոյ Եգիպտոսի թեմի Գահիրէի ազգային առաջնորդարանին այս ծրագիրը կեանքի կոչելուն համար:
