«ԶԱՐԹՕՆՔ», ՊԷՅՐՈՒԹ – Մարգարիտ Լեւոնի Աթաբէկեան (օգոստոսի 22, 1917, Պաքու, Ռուսական կայսրութիւն – նոյեմբերի 3, 1996), հայ գրականագէտ, թարգմանիչ, բանասիրական գիտութիւններու թեկնածու, ԽՍՀՄ գրողներու միութեան անդամ 1943 թուականէն։ Բանաստեղծ Լեւոն Աթաբէկեանի դուստրը, բանաստեղծ Աշոտ Գրաշի կինը։
Ծնած է Պաքու։ 1938ին աւարտած է Մոսկուայի մանկավարժական հիմնարկի գրականութեան բաժանմունք։ Ուսանողական տարիներուն միաժամանակ աշխատած է ՀամԼԿԵՄ Կենտկոմի մանկապատանեկան գրականութիեան որպէս խմբագիր։ 1946ին տեղափոխուած է Երեւան։
1953ին, Մոսկուայի մէջ, «Յովհաննես Թումանեանը գրաքննադատ» թեմայով թեզ մը պաշտպանած է եւ ստացած է բանասիրական գիտութիւններ թեկնածուի աստիճան։ 1956ին Երեւանի մէջ ռուսէրէնով լոյս տեսած է անոր «Յովհաննես Թումանեանը գրաքննադատ» մենագրութիւնը։ Աշխատած է Երեւանի Վ. Պրիւսովի անուան ռուսաց եւ օտար լեզուներու մանկավարժական հիմնարկին մէջ։ Կատարած է շարք թարգմանութիւններ[1][2]:
