«ԶԱՐԹՕՆՔ», ՊԷՅՐՈՒԹ – Տիգրան Լեւոնեան (Խանդիկեան) (14 Դեկտեմբեր, 1936, Պէյրութ) –(25 Յունիս, 2004, Երեւան) Օփերային երգիչ, օփերային ռեժիսոր, դերասան։ ՀԽՍՀ ժողովրդական արուեստագէտ (1984)։
Տիգրան Լեւոնեան 1946 թուականին ծնողներուն հետ հայրենադարձուած է։ 1958 թուականին աւարտած է Երեւանի թատերական հիմնարկը, 1977 թուականին՝ Մոսկուայի թատերական արուեստի հիմնարկի օփերային ռեժիսորային բաժինը։ Երգեցողական արուեստը ուսանած է ապագայ կնոջ՝ Գոհար Գասպարեանի մօտ։ Գիտակն աստիճան ստացած է Միլանի հռչակաւոր «Լա Սգալա» թատրոնէն։
1962 թուականէն եղած է Ալեսքսանդր Սպենդիարեանի անուան օփերայի եւ պալէի ազգային ակադեմիական թատրոնի մեներգիչ։ 1970 – 1977 թուականներուն միաժամանակ՝ ռեժիսոր, 1977 թուականէն գլխաւոր ռեժիսոր, 1991 – 1999 թուականներուն նաեւ գեղարուեստական ղեկավար։ Եղած է Երեւանի պետական երաժշտանոցի փրոֆէսոր։
