«ԶԱՐԹՕՆՔ», ՊԷՅՐՈՒԹ – Սիլվա Իւզպաշեան (Եուզպաշեան) (10 Յունիս, 1954 Գիւմրի) Դերասանուհի, ասմունքող, ՀՀ վաստակաւոր արուեստագէտ 1975 թուականին աւարտած է Երեւանի գեղարուեստա-թատերական հիմնարկը։ 1976 թուականին եղած է Երեւանի Սունդուկեանի անուան թատրոնի դերասանուհի, միաժամանակ՝ հայֆիլհարմոնիայի ասմունքող, 1984 թուականին՝ հեռատեսիլի եւ ձայնասփիւռի պետական կոմիտէի ռեժիսոր։
1976-1980 թուականներուն Վարդան Աճեմեանի հրաւէրով աշխատած է Գաբրիէլ Սունդուկեանի անուան պետական ակադեմիական թատրոնէն ներս։ 1980 թուականէն մինչ այսօր Հայաստանի պետական ֆիլհարմոնիայի մենակատար է։ 1984-2005 թուականներուն եղած է հանրային ձայնասփիւռի գրական խմբագրութեան ռեժիսոր-ասմունքող։ Մենահամերգներով բազմիցս հանդէս եկած է Հայաստանի եւ աշխարհի տարբեր քաղաքներու մէջ՝ Մոնթրէալ, Թորոնթօ, Պոսթոն, Նիւ Եորք, Ուաշինկթըն, Թեքսաս, Պէյրութ, Հալէպ, Գամիշլի, Թեհրան, Սպահան, Ապու Տապի, Արժանթին, Պրազիլ եւ այլն։ 1988 եւ 1992 թուականներուն ամերիկահայ համայնքի հրաւէրով Համօ Սահեանի եւ Վահագն Դաւթեանի հետ շրջագայած է ԱՄՆ-ի տարբեր քաղաքներ՝ ներկայացնելով բանաստեղծներու ստեղծագործութիւնները։
Սիլվա Կապուտիկեանի հետ եղած է իրանահայութեան հիւրը 2004 թուականին Լոս Անճելըսի «Ալեքս» թատրոնի մէջ կայացած մենահամերգէն ետք պարգեւատրուած է Կլէյնտըլի քաղաքապետի յատուկ շնորհակալագրով։ Այժմ Հայֆիլհարմոնիայի մենակատար- ասմունքող է եւ Հանրային ռատիոյի մէջ ունի իր հեղինակային գրական ծրագիրը։
2015 թուականէն Պոէզիա ձայնասփիւռային հաղորդումը կը հեռարձակուի Հայաստանի միակ մշակութային հեռատեսիլի ալիքի եթերէն: Եւ ունի շատ մեծ լսարան։
