«ԶԱՐԹՕՆՔ», ՊԷՅՐՈՒԹ – Անժելինա Ժոլի Փիթ (4, Յունիս,1975, Լոս Անճելըս), Ամերիկացի դերասանուհի, ռեժիսոր, սենարիստ եւ բարեգործ։ Արժանացած է «Օսքար» մրցանակի։
Անժելինա Ժոլին կը զբաղի բարեգործութեամբ, ՄԱԿ-ի բարի կամքի դեսպան է։ Հոլիւուտի ամենաբարձր վարձատրուող դերասանուհիներու՝ Forbes ամսագրի կազմած ցանկին մէջ ընդգրկուած է 2009, 2011 եւ 2013 թուականներուն: Բազմիցս անուանուած է աշխարհի ամենագեղեցիկ կին եւ մշտապէս կը գտնուի մամուլի ուշադրութեան կեդրոնին:
Ժոլի հօր հետ նկարահանուած է «Ելք իրավիճակէ» ֆիլմի մէջ (1982), սակայն ան դերասանական ասպարէզ մուտք գործած է անկէ մէկ տասնամեակ անց, երբ ան նկարահանուած է «Քիպօրկ 2: Ապակէ ստուերը» (1993) փոքրապիւտճէ ֆիլմի մէջ։ Ժոլին իր առաջին յաջող դերը խաղացած է «Քոտահէնները» (1995) ֆիլմի մէջ։ «Օսքար»-ի արժանացած է «Ընդհատուած կեանքը» (1999) ֆիլմին մէջ կատարած երկրորդական դերի համար։
Անժելինա Ժոլին համաշխարհային ճանաչման արժանացաւ յատկապէս «Լարա Քրոֆթ. Դամբարաններ թալանողը» (2001) ֆիլմի մէջ: «Փոխարինում» (2008) ֆիլմի շնորհիւ արժանացած է «Օսքարի» կնոջ լաւագոյն դերակատարման համար։
Անժելինա Ժոլին ներկայիս կ’ապրի դերասան Պրետ Փիթի հետ։ Անոնք կը դաստիարակեն իրենց վեց երեխաները, որոնցմէ երեքը իրենց կենսաբանական երեխաներն են, երեքը՝ որդեգրուած։
