Կիրակի, 09. 02. 2025

spot_img

Երեւանի Մէջ Եւրոպայի Հրապարակ Բացուեցաւ

«ԶԱՐԹՕՆՔ», ՊԷՅՐՈՒԹ –Երեւանի մէջ, Հիւսիսային պողոտայի կեդրոնը, Մարտ 28-ին, հանդիսաւոր կերպով տեղի ունեցաւ Եւրոպայի հրապարակի բացման արարողութիւնը: Այս մասին կը հաղորդէ Armenpress.am-ը։

Ազգային ժողովի փոխնախագահ Ալեն Սիմոնեան նշեց, որ Եւրոպայի խորհուրդի հիմնադրման 70-ամեակին ընդառաջ՝ խորհրդանշական է «Եւրոպայի հրապարակ»ի անուանակոչումը: «Անկախութենէն ետք, վերջին 28-տարիներուն ընթացքին, Հայաստանը, նուիրուած ըլլալով համաեւրոպական արժէքներուն, կը շարունակէ կառուցել եւրոպական ուղղութեամբ իր համագործակցութիւնը: Իր գոյութեան 70-տարիներուն ընթացքին՝ Եւրոպայի խորհուրդը իրապէս յաջողութեամբ կրած է եւրոպական արժեհամակարգի հանդէպ պատասխանատւութեան իր կոչումը եւ կը շարունակէ ծաւալել իր մարդակեդրոն գործունէութիւնը»,- նշեց Ալեն Սիմոնեան:

Երեւանի մէջ գտնուող՝ Եւրոխորհուրդի Խորհրդարանական վեհաժողովի նախագահ Լիլիան Մորի Բասգիէն շեշտեց, որ Եւրոպան զուտ աշխարհագրական հասկացութիւն չէ, այլ աւելին, երեւոյթ՝ որ իր շուրջ համախմբած է տարբեր լեզուներով խօսող, բայց նոյն գաղափարներու տէր մարդոց:

««Եւրոպայի հրապարակ»ը յիշեցումն է անոր, որ Եւրոպան ոչ թէ վերացական երեւոյթ է, այլ՝ համակարգ, որ կը ներառէ մեր բոլորի ազատութիւնները եւ իրաւունքները»,- ըսաւ Լիլիան Մորի Բասգիէն:

Ձեռնարկին ներկայ էր նաեւ Երեւանի քաղաքապետ Հայկ Մարութեան, որ «Եւրոպայի հրապարակ»ի վկայագիր յանձնեց ԵԽԽՎ նախագահին՝ ազդարարելով հրապարակին բացումը:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին