«ԶԱՐԹՕՆՔ», ՊԷՅՐՈՒԹ – Հայաստանի եւ Ռուսիոյ վարչապետներ՝ Նիկոլ Փաշինեան եւ Տմիթրի Մետվետեւը հեռախօսազրոյցի ընթացքին քննարկած են Եւրասիական միջկառավարական խորհուրդի՝ Ապրիլ 30-ին Երեւանի մէջ կայանալիք նիստը: Այդ մասին, ինչպէս կը հաղորդէ «Արմէնփրես»-ը, յայտնած է ՌԴ նախարարներու խորհուրդի մամլոյ ծառայութիւնը:
«Հեռախօսազրոյցի ընթացքին Ռուսիոյ կառավարութեան ղեկավար Տմիթրի Մետվետեւ եւ Հայաստանի վարչապետ Նիկոլ Փաշինեան քննարկած են Եւրասիական միջկառավարական խորհուրդի՝ Ապրիլ 30-ին Երեւանի մէջ կայանալիք նիստի օրակարգը, ինչպէս նաեւ հայ-ռուսական յարաբերութիւններու մի քանի հրատապ հարցեր»,- ըսուած է հաղորդագրութեան մէջ: