Կիրակի, 16. 02. 2025

spot_img

Հայաստանի Տնտեսական Աշխուժութեան Ցուցանիշը Յունուարին Աճած է 6.1 Տոկոսով

«ԶԱՐԹՕՆՔ», ՊԷՅՐՈՒԹ – Հայաստանի տնտեսական աշխուժութեան ցուցանիշը (ՏԱՑ) 2019 թուականի Յունուարին 6.1 տոկոսով աճած է 2018 թուականի Յունուարին համեմատ:

«Արմենփրես»-ի հաղորդմամբ` ՀՀ ազգային վիճակագրական կոմիտէն ներկայացուցած է երկրի ընկերա-տնտեսական վիճակը բնութագրող նախնական հիմնական տնտեսական ցուցանիշները:

2019-ի Յունուարի ցուցանիշներով շինարարութեան ոլորտին մէջ աճը կազմած է 22.1 տոկոս: Ելեկտրականութեան արտադրութեան ցուցանիշը 26.3 տոկոսով նուազած է նախորդ տարուան նոյն ժամանակահատուածի համեմատ: Ծառայութիւններու ծաւալը (առանց առեւտուրի) աճաած է 15.6 տոկոսով:

Սպառողական գիներոու ցուցանիշը աւելցած է 0.6 տոկոսով, իսկ արդիւնաբերական արտադրանքի գիներու ցուցանի՛ը նուազած է 2.6 տոկոսով:

Առեւտուրի շրջանառութիւնը աւելցած է 19.3 տոկոսով: Արդիւնաբերական արտադրանքի ծաւալը 0.4 տոկոսով պակաս է 2018-ի Յունուարին համեմատ: Միջին ամսական անուանական աշխատավարձը աճած է 4.1 տոկոսով (172 հազար 198 դրամ): Պետական հատուածին մէջ միջին ամսական անուանական աշխատավարձը կազմած է 149 399 դրամ, նախորդ տարուան համեմատ աճելով 6.5 տոկոսով, իսկ մասնաւոր հատուածին մէջ կազմած է 184 հազար 646 դրամ` աճելով 1.8 տոկոսով:

Արտաքին ապրանքաշրջանառութեան ծաւալները 2019-ի Յունուարին նախորդ տարուան նոյն ժամանակահատուածին համեմատ նուազած են 7.6 տոկոսով, ի դէպ` արտահանումը նուազած է 15.8 տոկոսով, իսկ ներմուծումը` 3.3 տոկոսով: Դրամի փոխարժէքը ԱՄՆ տոլարի նկատմամբ 2019-ի Հունուարին եղած է 485.79:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին