«ԶԱՐԹՕՆՔ», ՊԷՅՐՈՒԹ – Ֆրանսայի մէջ Ապրիլ 24-ը Հայոց ցեղասպանութեան յիշատակի օր հռչակելու վերաբերեալ նախագահ Էմանուել Մաքրոնի յայտարարութեան արձագանգած է նաեւ Թուրքիոյ ԱԳՆ մամուլի խօսնակ Համի Աքսոյը:
Այս մասին, ինչպէս կը հաղորդէ «Արմէնփրես»-ը, կը յայտնէ թրքական «Diken» պարբերականը:
Աքսոյը Մաքրոնի որոշումը համարած է ընտրութիւններու ժամանակ հայ ընտրողներու քուէները ստանալուն միտուած քայլ:
Թուրքիոյ ԱԳՆ մամուլի խօսնակը միւս թուրք պետական գործիչներուն նման հաւատարիմ մնալով թրքական ժխտողական քաղաքականութեան՝ Մաքրոնի քայլը որակած է որպէս յանուն անձնական եւ քաղաքական շահի կատարուած միակողմանի քայլ:
Էմանուել Մաքրոնի յայտարարութեան Փետրուար 6-ին անդրադարձած էր նաեւ Թուրքիոյ նախագահ Ռեճեփ Թայիփ Էրտողանի խօսնակ Իպրահիմ Քալընը:
