«ԶԱՐԹՕՆՔ», ՊԷՅՐՈՒԹ – Լիբանանի շարք մը նախարարներ համաձայնեցան, որ նորակազմ նախարարաց խորհուրդը ընդունի կառավարութեան վարելիք քաղաքականութեան յայտարարութեան նախագիծը, ինչը կ’ընդգրկէ տնտեսական եւ ելեւմտական հիմնական բարեփոխումներ:
Անցնող Ապրիլին Ֆրանսայի մէջ տեղի ունեցած ՍԵՏՐ խորհրդաժողովին միջազգային հանրութիւնն ու ելեւմտական կառոյցները խոստացան դրամանպաստ տրամադրել փրկելու համար Լիբանանի տնտեսութիւնը եւ ենթակառուցուածքները՝ շարք մը բարեփոխումներ իրականացնելու պայմանով:
Յայտարարութեան նախագիծին մէջ նախարարները համաձայնեցան տնտեսական եւ դրամավարկային քաղաքականութեան բարփոխումներ իրականացնել, ներառեալ տնտեսութեան ծաւալը ընդլայնել եւ պիւտճէի պակասորդը նուազեցնել:
