«ԶԱՐԹՕՆՔ», ՊԷՅՐՈՒԹ – Յարութիւն Շամշինեան (9 Փետրուար 1856, Թիֆլիս- 1 Փետրուար 1914, Թիֆլիս), հայ նկարիչ։
Ուսանած է գեղարուեստը խրախուսող՝ կովկասեան ընկերութեան նկարչական դպրոցին մէջ (1874-1877), Սենթ Փեթերսպուրկի գեղարուեստի ակադեմիոյ մէջ (1877-1882)։ 1883 թուականին կատարելագործած է Փարիզի, Միւնիխ եւ Վենետիկի մէջ։
1884 թուականէն հաստատուած է Թիֆլիս, դասաւանդած է Ներսիսեան եւ Սուրբ Նշան դպրոցներուն մէջ, մշակած է նկարչութեան դասաւանդութեան ծրագիրներ, կազմած ու հրատարակած է գծագրութեան ու հեռանկարի ձեռնարկ։
Շամշինեանի արուեստին (կենցաղային ժանրի կտաւ, բնանկար, դիմանկար) բնորոշ է իրականութեան հաւաստի վերարտադրումը («Հին Թիֆլիս», 1887, «Շէյթան պազար», 1890, «Սանահինի կամուրջը», 1899, «Լեռնցիների դադարը», 1902, «Նկարչի մօր դիմանկարը» եւ այլն:
Անհատական ցուցահանդէսներ Թիֆլիսի մէջ (1913), մահուան 40-րդ տարելիցին՝ Երեւանի մէջ (1954)։ Շամշինեանի գործերէն պահուած են Հայաստանի ազգային պատկերասրահին մէջ (նաեւ Շամշինեանի դիմանկարը, գործ՝ Մ. Վրուպէլի, 1883), Թիֆլիսի պատմաազգագրական եւ թատերական թանգարաններուն մէջ:
