«ԶԱՐԹՕՆՔ», ՊԷՅՐՈՒԹ – Ազգային ազատ հոսանք շարժումի առաջնորդ Ժպրան Պասիլ եւ սիւննի հըզպալլայամէտ երեսփոխաններէն մէկը՝ Ֆայսալ Քարամին, առանձին յայտարարութիւններով յայտնեցին, որ յառաջիկայ օրերուն յառաջընթաց կը նախատեսեն նոր կառավարութեան կազմաւորման գործընթացին մէջ:
Ֆայսալ Քարամի ըսաւ, որ կառավարութեան կազմաւորման գործընթացին մէջ տեղեակ չէ որեւէ նոր զարգացումի:
«Վարչապետի պաշտօնակատար Սաատ Հարիրիին յաջողութիւն կը մաղթենք իր առաքելութեան եւ ազգային միասնական կառավարութիւն կազմաւորելու յանձառութեան մէջ»,- ըսաւ Քարամի խորհրդարանի նախագահ Նապիհ Պըրրիի հետ հանդիպելէ ետք, վերջինիս Այն Ալ Թինէի նստավայրին մէջ:
Լիբանանի Պաշտօնատարները Նոր Կառավարութեան Կազմաւորման Գործընթացին Մէջ Յառաջընթաց Կը Նախատեսեն Յառաջիկայ Օրերուն
