Նախագահութեամբ Լիբանանի Հայոց Առաջնորդ Գերշ․ Տ․ Նարեկ Արքեպիսկոպոսին, Կիրակի, 20 Յունուար 2019-ին, Ս. Գէորգ եկեղեցւոյ մէջ մատուցուեցաւ Ս. պատարագ։
Արարողութեան աւարտին Սրբազան Հայրը յայտնեց, որ Մեծի Տանն Կիլիկիոյ կաթողիկոս Ն․Ս․Օ․Տ․Տ․ Արամ Ա. Վեհափառ հայրապետ ընդառաջելով իր խնդրանքին աւագութեան աստիճան շնորհած է եկեղեցւոյ հովիւ Արժ․ Տ․ Նարեկ Քհն. Հէճինեանին, առ ի գնահատանք իր բազմամեայ վաստակին։ Առ այդ, ներկաները յոտնկայս ունկնդրեցին Վեհափառ Հայրապետին սրբատառ կոնդակը, որ ընթերցեց Սրբազան Առաջնորդը։ Կոնդակին մէջ Վեհափառ Հայրապետը կ’արժեւորեր քահանայ հօր նուիրեալ ծառայութիւնը եւ կը մաղթեր, որ այս աստիճանը խթան հանդիսանայ՝ շարունակելու իր ծառայութիւնը Լիբանանի Հայոց Թեմին մէջ։
Այնուհետեւ եկեղեցւոյ սրահին մէջ տեղի ունեցաւ հիւրասիրութիւն, որուն ընթացքին Նարեկ Աւ. Քհն. Հէճինեան եկեղեցւոյ թաղականութեան եւ իր անունով երախտագիտութիւն յայտնեց Վեհափառ Հայրապետին, որ իր երկար տարիներու ծառայութիւնը արժանավայել կերպով գնահատած է։
