«ԶԱՐԹՕՆՔ», ՊԷՅՐՈՒԹ – Գէորգ Աշոտ Եղիազարեան (21 Յունուար 1932, Տոնի Ռոստով, ՌԽՖՍՀ, ԽՍՀՄ – 13 Յունուար 1995, Մոսկուա, Ռուսիա), հայ տնտեսագէտ: Տնտեսագիտութեան դոկտոր (1970), փրոֆէսոր (1971): ՌՍՖՍՌ գիտութեան վաստակաւոր գործիչ (1980):
Ծնած է 1932 թուականին Տոնի Ռոստով քաղաքը: 1954 թուականին աւարտած է Մոսկուայի օդագանցութեան հիմնարկը: 1972-1995 թուականներուն եղած է Մոսկուայի պետական համալսարանի արդիւնաբերութեան տնտեսագիտութեան ամպիոնի վարիչ, 1976-1990 թուականներուն՝ հաշուապահական կեդրոնի ղեկավար, 1990-1995 թուականներուն՝ Մոսկուայի փոքր առեւտուրի զարգացման միջազգային կեդրոնի տնօրէն, 1993 թուականէն՝ պետական հակաճգնաժամային կառավարման ծրագիրի մշակումի մասնակից: Եղած է Մոսկովեան ազգային դրամատան ղեկավարներէն, ղեկավարած է «Փրես» հրատարակչութիւնը: Մոսկուայի պետական համալսարանին մէջ դասաւանդած է սոցիալիստական արդիւնաբերութեան տնտեսութիւն եւ արդիւնաբերութեան հիմունքներ նիւթերը: Աւելի քան 120 գիտական աշխատանքներու հեղինակ է:
