«ԶԱՐԹՕՆՔ», ՊԷՅՐՈՒԹ – Զապէլ (Մարիամ, ամուսնոյն ազգանունով՝ Քնորոզովա, 1858, Պիթլիս – 12 Յունուար 1926, Թիֆլիս), հայ դերասանուհի։
Աւարտած է Նոր Նախիջեւանի հանրակրթական հաստատութիւնը։ Բեմ բարձրացած 1879-ին՝ Սոֆիայի դերով (Քարամզինի «Սոֆիա»):
1881-1923-ին աշխատած է Թիֆլիսի մէջ: Անդրկովկասի քաղաքներուն մէջ տարբեր խումբերու հետ ելոյթ ունեցած է։ Եղած է Պետրոս Ադամեանի, Սիրանոյշի, Յովհաննէս Աբելեանի մշտական խաղընկերը։
1880-ական թուականներուն Պ. Ադամեանի հետ Տեզտեմոնայի (Շէյքսփիրի «Օթելլօ») եւ Ռոզալիայի (Ճիաքոմեթիի «Ոճրագործի ընտանիքը») դերերով հանդէս եկած է Ռուսիոյ շարք մը քաղաքներուն մէջ։
1908-1909-ին «Աբելեան-Արմէնեան» խումբին հետ եղած է Թուրքիա, 1912-ին՝ Մոսկուա։
