«ԶԱՐԹՕՆՔ», ՊԷՅՐՈՒԹ – Մանուէլ Շաշիեան (25 Դեկտեմբեր 1775 – 9 Յունուար 1858), հայ բժիշկ։
Ծնած է Պոլիս 25 Դեկտեմբեր 1775-ին։ Մանուկ հասակէն Իտալիա գացած եւ իր ուսումը ստացած է Մխիթարեան վարժարանէն ներս, ուր մայրենի եւ օտար լեզուներու մէջ հմտանալէ զատ գիտութեանց մէջ ալ կը հմտանայ ու 1795-ին կ’արձանագրուի Բատուայի բժշկական համալսարանը։ Հինգ տարի աշակերտելով սոյն համալսարանին՝ կ’աւարտէ իր ուսմանց ընթացքը: 25 տարեկանին արդէն վկայեալ բժիշկ էր։ Քիչ մը ատեն եւս մնալով Իտալիա՝ 1801-ին կը վերադառնայ Պոլիս։
Գրական շատ մը աշխատութիւններ ունեցած է, որոնք Ղալաթիոյ մեծ հրդեհին մէջ այրած են։
Մահացած է 1858-ի Յունուար 9-ին՝ 83 տարեկան հասակին եւ թաղուած է Բանկալթիի Ս․ Յակոբայ հիւանդանոցի պարտէզը, սակայն հետագային տեղափոխած են իր աճիւնները (յայտնի չէ, թէ ո՛ւր):
