«ԶԱՐԹՕՆՔ», ՊԷՅՐՈՒԹ – Արաքս (Արաքս Մուրադ Աւետիսեան, 25 Դեկտեմբեր 1903 – 15 Յունիս 1978), հայ արձակագիր, մանկագիր, ՀԽՍՀ մշակոյթի վաստակաւոր գործիչ (1967), ԽՍՀՄ գրողներու միութեան անդամ 1934 թուականէն։
Ծնած է Ղարաքիլիսա (այժմ՝ Վանաձոր) քաղաքը։ 1923 թուականին աւարտած է Թիֆլիսի Յովնանեան-Մարիամեան օրիորդաց ուսումնարանը, 1933 թուականին՝ Մոսկուայի կոմունիստական լրագրութեան հիմնարկը։ 35 տարի աշխատած է մամուլի բնագաւառին մէջ։ 1934 – 1937 թուականներուն եղած է «Հոկտեմբերիկ» մանկական ամսագրի խմբագիրը, 1939 – 1942 թուականներուն՝ «Գրական թերթ»ի խմբագրի տեղակալ, 1942-1945 թուականներուն՝ Երեւանի ռատիօկոմիտէի գրական բաժնի գլխաւոր խմբագիր։ Իր գործերէն թարգմանուած եւ առանձին գիրքերով լոյս տեսած են ռուսերէն եւ ազրպէյճաներէն։ Մահացած է Երեւան:
