«ԶԱՐԹՕՆՔ», ՊԷՅՐՈՒԹ – Նուցի Ագոնց (ռում.՝ Nutzi Acontz, 19 Նոյեմբեր 1894, Ֆոքշան – 19 Դեկտեմբեր 1957, Եասսի), ծագումով հայ ռումինացի նկարչուհի։
1931 թուականին կազմակերպուած է Ագոնցի առաջին անհատական ցուցահանդէսը։ Մասնակցած է Յունաստանի, Ֆրանսայի, Պուլկարիոյ մէջ կազմակերպուած ցուցահանդէսներու։ 1947 թուականին Փարիզի մէջ կին նկարիչներու եւ քանդակագործներու 63րդ ցուցահանդէսին Ագոնցի գործերը դրուատանքի արժանացած են։ Գործերէն են «Բնանկար Թուլչէայի մօտ», «Լճափին», «Քարհանք» երփնագիրերը։
1967 թուականին Եասսիի Արուեստի թանգարանը կազմակերպած է Ագոնցի յետմահու ցուցահանդէսը, որ 1968 թուականին կրկնուած է ՌՍՀ արուեստներու թանգարանին մէջ։
