«ԶԱՐԹՕՆՔ», ՊԷՅՐՈՒԹ – Մելինէ Հմայեակ Համամճեան (17 Դեկտեմբեր 1922, Կոստանդնուպոլիս, Օսմանեան կայսրութիւն – 7 Մայիս 1999, Երեւան, Հայաստան), հայ դերասանուհի, ՀԽՍՀ ժողովրդական արտիստուհի (1984):
1923 թուականին ծնողներուն հետ հաստատուած է Պուլկարիա, ուր 1939 թուականէն մասնակցած է հայկական թատերական ներկայացումներու։ 1946 թուականին հայրենադարձուած է. նոյն թուականէն՝ Երևանի Պարոնեանի անուան երաժշտական-կատակերգական թատրոնի դերասանուհի։ Համամճեանի դերասանական արուեստը ձեւաւորուած է Վարդան Աճեմեանի ղեկավարութեամբ։ Առաջին դերը՝ Թերեզա (Յ. Պարոնեանի «Շողոքորթը», 1948), ան ստեղծած է ցայտուն, սակայն միանգամայն հաւաստի դերապատկերներ՝ կերպարային ողջ խորութեամբ, լաւագոյններէն են Թերեզա, Մարթա (Յ. Պարոնեանի «Շողոքորթը», 1948, «Ատամնաբոյժն արեւելեան», 1952), Մինատորա (Ճոճուայի «Երկու օրիորդ», 1963), Փեփրոնէ (Ա. Պապայեանի «Փարիզեցի փեսան», 1970), Շողակաթ («Մեծապատիւ մուրացկաններ», Յ. Պարոնեան, 1992): Մասնակցած է հեռուստատեսային բազմաթիւ ներկայացումներու, նկարահանուած է կինոյի մէջ:
