«ԶԱՐԹՕՆՔ», ՊԷՅՐՈՒԹ – Ռաֆայէլ Գէորգ Արամեան (29 Նոյեմբեր 1921, Վաղարշապատ – 7 Օգոստոս 1978, Երեւան), հայ արձակագիր, թարգմանիչ, ԽՍՀՄ գրողներու միութեան անդամ 1950էն։ Արձակագիր Ուալթեր Արամեանի եղբայրն է։
Ծնած է Վաղարշապատ (այժմ՝ Էջմիածին) քաղաքը։ 1937-1941 թուականներուն սորված է Երեւանի պետական համալսարանի բանասիրական բաժինը։ 1941-1943 թուականներուն ծառայած է խորհրդային բանակի մէջ։ Զօրացրուելէ ետք աշխատած է «Սովետական Հայաստան» օրաթերթին, «Սովետական գրականութիւն եւ արուեստ» ամսագրին, Արտասահմանեան երկիրներու հետ բարեկամութեան եւ մշակութային կապի հայկական ընկերութեան մէջ։
Իր գործերէն թարգմանուած եւ առանձին գիրքերով լոյս տեսած են ռուսերէն, ուքրաներէն եւ ռումիներէն:
