«ԶԱՐԹՕՆՔ», ՊԷՅՐՈՒԹ – Կարապետ Թադեւոս Տիրատուրեան (15 Նոյեմբեր (28 Նոյեմբեր) 1911, Ալեքսանդրապոլ – 26 Յունուար 1975, Երեւան), նկարիչ, ՀԽՍՀ ժողովրդական նկարիչ (1967):
1931 թուականին աւարտած է Լենինականի նկարչական դպրոցը, ապա աշակերտած է Յակոբ Կոջոյեանին։
Նկարազարդած եւ ձեւաւորած է հայ եւ այլ հեղինակներու (Մովսէս Խորենացի, Խաչատուր Աբովեան, Դանիէլ Վարուժան, Գեղամ Սարեան, Օմար Խայամ եւ ուրիշներ) 1000է աւելի գրական երկեր։
Ստեղծագործած է նաեւ հաստոցային գծանկարչութեան բնագաւառին մէջ, ստեղծած է դիմանկարներու շարք (1965-1975).
«Կոմիտաս»
«Խաչատուր Աբովեան»
«Յակոբ Կոջոյեան»
«Պարոյր Սեւակ»
Ծաղրանկարներ`
«Պարսամ Սիմոնեան»
«Տղամարդու դիմանկար»
Հեղինակ է թատերական ձեւաւորումներու։
Տիրատուրեանի «Հայոց գիրը» (1963) գիրք-ալպոմը կ’ընդգրկէ շուրջ 400 տառատեսակ եւ տառանմուշ, գիրքի ձեւաւորումներ, նկարազարդումներ:
