«ԶԱՐԹՕՆՔ», ԼԻԲԱՆԱՆ – Նոյեմբեր 4էն Նոյեմբեր 10 ինկած ժամանակահատուածին արցախա-ազրպէյճանական հակամարտ զօրքերու շփման գօտիին մէջ հակառակորդը հրադադարի պահպանման ռեժիմը խախտած է աւելի քան 120 անգամ, որուն ընթացքին տարբեր տրամաչափի հրաձգային զինատեսակներէն հայ դիրքապահներուն ուղղութեամբ արձակած է շուրջ 1300 կրակոց:
Ինչպէս կը փոխանցէ «Արմէնփրես»ը, Արցախի Հանրապետութեան պաշտպանութեան նախարարութեան մամուլի ծառայութենէն կը տեղեկացնեն, որ ՊԲի յառաջապահ զօրամասերը խստօրէն կը պահպանեն հրադադարի ռեժիմը եւ կը շարունակեն վստահօրէն իրականացնել մարտական հերթապահութիւն:
