«ԶԱՐԹՕՆՔ», ՊԷՅՐՈՒԹ – Ռիչարտ Ճոն Հարիս (անգլերէն՝ Richard St. John Harris, 1 Հոկտեմբեր 1930, Լիմերիք, Իռլանտա – 25 Հոկտեմբեր 2002, Լոնտոն, Անգլիա), իռլանտացի դերասան, երաժիշտ, գրող եւ արտադրող։ Ան դերեր ստանձնած է շատ մը ֆիլմերու մէջ, օրինակ՝ «This Sporting Life» եւ «King Arthur»: Ան նաեւ կատարած է Ալպըս Տապլտորին դերը «Harry Potter and The Philosopher’s Stone» (2001) եւ «Harry Potter and The Chamber of Secrets» (2002) ֆիլմերուն մէջ:
Հարիս 6րդ զաւակն է Միլտրըտ Ժոսէֆինին եւ ունի 8 քոյր ու եղբայր. Փաթրիք Իվան (1929-2008), Նոէլ Ուիլիըմ Մայքըլ (1932-1996), Տիարմիտ (1939–1985) եւ Ուիլիըմ Ճորճ Հարիս (1942-2007):
Դպրոցը աւարտելէ ետք, Հարիս կ’անցնի Անգլիա, որպէսզի շարունակէ արտադրողի մասնագիտութիւնը: Աակայն ան չի գտներ յարմար դասընթացքներ եւ կ’որոշէ դառնալ դերասան: Բայց Հարիս կը մերժուի ու կը ձախողի, որուն պատճառաւ ան 6 շաբաթ կը մնայ անտուն: 1956 թուականին ան կը սկսի թատերախաղերու մէջ դերեր ունենալ, օրինակ՝ «The Quare Fellow» թատրոնին մէջ: Թատրոններու մէջ մաս կազմելէ ետք, ան սկսաւ դերեր ստանալ ֆիլմերու մէջ ու դարձաւ համաշխարհային նշանաւոր դերասան:
1957 թուականին Հարիս ամուսնացաւ Էլիզապեթ Ուիլիըմզին հետ, անոնք ունեցան 3 զաւակ՝ Ժարետ Հարիս (դերասան), Ճէյմի Հարիս (դերասան) եւ Տամայան Հարիս (արտադրող): Ռիչարտ եւ Էլիզապեթ ամուսնալուծուեցան 1969 թուականին: Այնուհետեւ Էլիզապեթ ամուսնացաւ Ռեքս Հարիսընին հետ, իսկ Ռիչարտը՝ Ան Թըրքելին: Սակայն 1982 թուականին Ռիչարտ եւ Ան ամուսնալուծուեցան:
1970 թուականի սկիզբը, Ռիչարտը ալքոհոլամոլ էր, ինչ որ բացասաբար կ’ազդէր իր դերասանական գործունէութեան եւ առողջութեան վրայ:
Հարիս մահացաւ 25 Հոկտեմբեր 2002 թուականին University College հիւանադանոցին մէջ, Լոնտոնի մէջ:
