«ԶԱՐԹՕՆՔ», ՊԷՅՐՈՒԹ – Գարուշ (Կարապետ) Խաչատուր Խաժակեան (10 Հոկտեմբեր (23 Հոկտեմբեր) 1913, Ալեքսանդրապոլ – 8 Մայիս 1980, Երեւան), հայ խորհրդային դերասան։ ՀԽՍՀ ժողովրդական արտիստ (1961):
1931 թուականին աւարտած է Լենինականի թատրոնին կից աշխատանոցը։ 1931 – 1936 թուականներուն աշխատած է Երեւանի բանուորական, 1936 թուականէն՝ Սունդուկեանի անուան թատրոններուն մէջ: Դերերէն են՝ Մասիսեանց (Սունդուկեանի «Խաթաբալա»), Էրեկլէ (Եուժին-Մումբատովի «Դաւաճանութիւն), Նեզնամով (Օսթրովսքիի «Անմեղ մեղաւորներ»), Ռուբէն (Գ. Տէր-Գրիգորեանի «Այս աստղերը մերն են»), Ֆերտինանտ (Շիլլերի «Սէր եւ խարդաւանք»):
