Արժոյթի միջազգային հիմնադրամը (ԱՄՀ) բարելաւած է ՀՀ տնտեսութեան աճի 2018-ի կանխատեսումը 3.4%-էն մինչեւ 6%: Այս մասին, ըստ PanArmenian.net-ի, նշուած է ԱՄՀ համաշխարհային տնտեսութեան (Challenges to Steady Growth) Հոկտեմբեր ամսուան տեսութեան մէջ:
ԱՄՀ-ն նաեւ 3.5%-4.8%-ի հասցուցած է 2019-ի ՀՆԱ (համախառն ներքին արդիւնք) աճի կանխատեսումը: ՀՆԱ աճը 2018-ին կը կանխատեսուի 3% մակարդակի վրայ, իսկ 2019-ին՝ 4.4%:
ԱՄՀ-ն բարելաւած է նաեւ 2018-ի տնտեսական աճի կանխատեսումը ընդհանուր առմամբ ԱՊՀ համար՝ 2.2%-էն մինչեւ 2.3%: Ամենամեծ աճը տարածաշրջանին մէջ ԱՄՀ-ն կը կանխատեսէ Թուրքմենիստանի մէջ՝ 6.2%, ամենացածը Ազրպէյճանի՝ 1.3%:
ՀՀ պիւտճէով տնտեսական աճը 2018-ի արդիւնքով նախատեսուած էր 4,5%–ի չափով: Մասնաւորապէս՝ կը կանխատեսուէր` արդիւնաբերութեան մէջ՝ 6,5 տոկոս աճ, գիւղատնտեսութեան ոլորտին մէջ` 4 տոկոս աճ:
Նախապէս Ասիական զարգացման դրամատունը (ԱԶԴ) վերանայած է ՀՀ տնտեսական աճի ցուցանիշը 2018-ի համար՝ զայն 4%-էն հասցնելով 5.3%-ի: Այդ մասին նշուած է դրամատան 2018-ի Ասիոյ զարգացման վերաբերեալ նոր տեսութեան մէջ: Բացի այդ՝ ԱԶԴ-ն բարձրացուցած է նաեւ ՀՀ տնտեսական աճի ցուցանիշը 2019-ի համար՝ 4.2%-էն մինչեւ 4.5%:
