«ԶԱՐԹՕՆՔ», ՊԷՅՐՈՒԹ – ԱՊՀ, եւրասիական միաւորման եւ հայրենակիցներու հետ կապերու հարցերով ՌԴ պետական տումայի յանձնաժողովի ղեկավար Լէոնիտ Քալաշնիքովը «Ռուս-ազրպէյճանական յարաբերութիւններու նոր փուլ» թեմայով տեսակամուրջի ժամանակ յայտնած է Փութինի՝ Պաքու կատարելիք այցելութեան ամսաթիւը:
Այս մասին, ինչպէս կը հաղորդէ «Արմէնփրես»–ը, կը յայտնէ ազրպէյճանական minval.az-ը:
Վլատիմիր Փութինի այցը Ազրպէյճան կը ծրագրուի Սեպտեմբեր 25-ին:
«Վլատիմիր Փութինի՝ Ազրպէյճան կատարելիք այցի ծիրէն ներս Սեպտեմբեր 25-ին տեղի կ’ունենայ երկու նախագահներու՝ Իլհամ Ալիեւի եւ Վլատիմիր Փութինի հանդիպումը, որուն ընթացքին կը քննարկուին Սոչիի մէջ Սեպտեմբեր 1-ին տեղի ունեցած բանակցութիւններու ժամանակ պայմանաւորուած շարք մը հարցեր»,- նշած է Քալաշնիքովը:
