«ԶԱՐԹՕՆՔ», ՊԷՅՐՈՒԹ – Հայաստանի մէջ ընտրակաշառք տալը կամ վերցնելը կը քրէականացուի: Այդ մասին օրէնսդրական նախաձեռնութիւնը արժանացաւ կառավարութեան հաւանութեան եւ կը ներկայացուի Ազգային ժողովի հաստատման:
«Մեր կառավարութիւնը յանձն առած է ապահովել ազատ ընտրութիւններ եւ հասարակութեան մօտ բարձրացնել ընտրական հիմնարկներու նկատմամբ վստահութիւնն ու հաւատքը: Այս առնչութեամբ քրէական ու վարչական իրաւախախտումներու մասին օրէնսգիրքերուն մէջ նախաձեռնուած են փոփոխութիւններ, որոնց մշակման մասնակցած են նաեւ քաղաքական հասարակութեան ներկայացուցիչներ»,- «Արմէնփրես»-ի փոխանցմամբ ըսաւ ՀՀ արդարադատութեան նախարար Արտակ Զէյնալեանը: Իր խօսքով՝ փաթեթի ընդունումով կը նախատեսուի խստացնել պատասխանատուութիւնը ընտրակաշառքի համար եւ վարչական իրաւախախտումներու վերաբերեալ օրէնսգիրքէն զայն տեղափոխել քրէական օրենսգիրք՝ նախատեսելով անոր համար ոչ միայն տուգանքի ձեւով պատիժ, այլեւ որոշ ժամկէտով ազատազրկում:
Արդարադատութեան նախարարը նշեց, որ բացառութիւն կը համարուի նախընտրական շրջանին կուսակցութեան կամ դաշինքի տարբերանշանով ու խելամիտ արժէքի սահմաններուն մէջ քարոզչական նիւթերու տրամադրումը՝ գրիչներ, գլխարկներ եւ այլն:
